Ministri i Mbrojtjes, Ejup Maqedonci sot ka pritur në takim komandantin e KFOR-it, gjeneralmajor Angelo Michele Ristuccia.

Ristuccia fillimisht i uroi ministrit Maqedonci sukses në punë gjatë mandatit të tij.

Ndërsa, Maqedonci shprehu falënderimin për vizitën e tij si dhe mirënjohjen për kontributin e KFOR-it, në shërbimet e kompanive të vendit por edhe në sigurinë rajonale.

Përmes një njoftimi për media nga Ministria e Mbrojtjes, bëhet e ditur se Maqedonci e njoftoi Gjeneralin Ristuccia, lidhur me procesin aktual si dhe synimet për të ardhmen, ku një ndër objektivat kryesore është integrimi në organizatat euroatlantike.

Ndër tjerash, në këtë takim u bisedua lidhur me situatën e sigurisë në vend, ku të dy bashkëbiseduesit e theksuan se bashkëpunimi i ngushtë mes Ministrisë së Mbrojtjes dhe FSK-së me KFOR-in do të vazhdojë edhe më tej në kuadër të mandateve që kanë, në shërbim të sigurisë së gjithë qytetarëve të Republikës së Kosovës.Arbresh.info/